kutubhona

«Сен менинг биродарим ва вазиримсан. Қарзимни адо қиласан, ваъдаларимни бажарасан ва зиммамни оқлайсан», деб топшириқ бердилар.

д – «Канзул уммол»да келишича Набий с.а.в. шундай дедилар:

«مَكْتُوبٌ عَلَى بَابِ الْجَنَّةِ لاَ إِلَهَ إِلاَّ اللَّهُ مُحَمَّدٌ رَسُولُ اللَّهِ، عَلِيٌّ أَخُو رَسُولِ اللَّهِ»

«Жаннат эшигига «Ла илаҳа иллаллоҳ, Муҳаммадур Росулуллоҳ, Али аху Росулиллаҳ (Али росулуллоҳнинг биродари), деб ёзиб қўйилган».

Бу тўрт нусусга тўхталадиган бўлсак, улар Али Росулуллоҳ томонидан Ҳорун Мусодан қандай манзилатда бўлса шундай манзилатга қўйилганлиги ҳақидаги насс, Набий с.а.в.нинг Аллоҳ Китобини ва ўзининг муаттар аҳли байтини қолдирганлиги ҳақидаги насс, валоят (дўст тутиш) ҳақидаги насс, биродарлашиш ҳақидаги насс бўлди. Бу насслардан айрим мусулмонлар Росулуллоҳ с.а.в. ўзидан кейин Алини халифа қилиб қолдирган, яъни вафотидан кейин унинг халифа бўлишини тайин қилган деган ҳукмни чиқариб олишган. Келинг шу нассларни бир-бир кўриб чиқайлик:

Биринчи нассга, яъни Росулуллоҳ с.а.в. Алини Ҳорун Мусодан қандай манзилатда бўлган бўлса шундай манзилатга қўйганлиги ҳақидаги нассга тўхталадиган бўлсак, унинг маъноси шу насс айтилган мақомни ва унинг лафзини ўрганиб чиқиш орқали аён бўлади. Мақом ҳақида айтадиган бўлсак Росулуллоҳ с.а.в. бу ҳадисни Табук ғазоти кунида айтган. Чунки ўшанда Росулуллоҳ с.а.в. мусулмонлар ишларини бошқариш ва ҳокимият ишларини идора қилиш учун ўзининг ўрнига Муҳаммад ибн Масламани Мадинага бошчи қилиб қолдирган бўлса, ўз аҳлига қараб туриш учун саййидимиз Али р.а.ни қолдирган ва уларнинг ичида яшаб туришни буюрган эдилар. Шундан кейин мунофиқлар «пайғамбар унинг оғири тушади деб ундан қутилиш учун қолдириб кетди» деган миш-мишни тарқатишди. Шундан сўнг Али ибн Абу Толиб р.а. қуролини олиб чиқиб кетди. Йўл юриб Росулуллоҳ с.а.в. ҳузурига келди. Пайғамбаримиз с.а.в Журф деган жойга